«TONG YULDUZI» — bolalar va oʻsmirlar gazetasi. Muassis — Oʻzbekiston Respublikasi «Kamolot» yoshlar ijtimoiy harakati. Haftada 2-marta chiqadi. Birinchi soni 1929-y. 1 avg. da Samarkandda «Lenin uchquni» nomi bilan chiqqan (3000 nusxada); 1931-y. dan Toshkent sh. da chop etiladi. 2jahon urushi yillari gaz. ni nashr etish vaktincha toʻxtatilgan. 1946-y. 1-iyuldan yana nashr qilina boshlagan. 1992-y. dan hoz. nomda. Gaz. ga turli davrlarda Hotam Qirgʻiz, Y. Shamsharov, Sanjar Tilla, Ramz Bobojon, Gʻ. Jahongirov, S. Yoʻldoshev, J. Razzoqov, A. Koʻchimov, A. Berdimurodov va b. muharrirlik qilishgan. Sahifalarida Oʻzbekistondagi maktab oʻquvchilari hayotiga oid maqola va xabarlar, ular ijodidan namunalar, bolalar uchun badiiy asarlar va b. bosiladi.
Adadi 50.000 (2004). Muharriri Umida Abduazimova (1995-y. dan).