ABAJUR

ABAJUR (frans. abatjour — yorugʻlik qaytaruvchi) — chiroqning koʻzni qamashtirmaslik va noʻrni toʻplab maʼlum tomonga yoʻnaltirish uchun moʻljallangan gʻilofi (qalpogʻi). Abajur konus, disk, shar, parabola va b. shakllarda metall, shisha, plastmassa, karton, qogʻoz yoki shoyidan shaffof va yarim shaffof qilib yasaladi. Abajur badiiy bezak, yaʼni xonaga husn berish vazifasini ham oʻtaydi.