BIOGEN AMINLAR

BIOGEN AMINLAR, proteinogen aminlar — organizmda hosil boʻladigan azotli organik birikmalar. Biogen aminlarning aksarisi — gistamin, serotonin, noradrenalin, adrenalin, tiramin va b. biologik faol modda boʻlib, bosh miya poʻstlogʻida va uning ostidagi markazlarda tormozlanish va qoʻzgʻalish jarayonlariga taʼsir etadi, tomirlarni kengaytirish yoki toraytirish yoʻli bilan qon bosimini oʻzgartiradi va organizmda boshka oʻzgarishlarni keltirib chiqaradi. Odam va hayvonlar ichagida chirituvchi mikroblar taʼsirida hosil boʻladigan bir qancha Biogen aminlar organizm uchun zaharlidir.