SAUDIYLAR — 1) Saudiya Arabistonidagi hukmdor sulola; asoschisi — Saud ibn Muhammad ibn Mikrin. 1927-y. gacha Saudiylar — Najd amirlari; 1927—32 y. larda — Hijoz va Najd hamda ularga qoʻshilgan viloyatlar qirollari; 1932-y. dan — Saudiya Arabistoni qirollari (podsholari);
2) Saudiya Arabistoni arablari — xalq, Saudiya Arabistonining asosiy aholisi (13,25 mln. kishi, 1990y. lar oʻrtalari). Shuningdek, Kuvaytda (50 ming kishi) ham yashaydilar. Arab tilida soʻzlashadi. Dindorlari — musulmonlar (sunniylar va shialar).