SIFON (yun. siphon — naycha, nasos) — 1) suyuklikni bir idishdan sathi pastrok ikkinchi idishga quyish uchun ishlatiladigan qurilma. Turli uzunlikdagi tirsaklari boʻlgan bukik nay. Nayning yuqori kesimi ustki idishdagi suyuklik sathidan yuqori turadi (rasmga k,.). S. ishlashi uchun nayga suyuklik toʻldirish va uchlarini shunday suyuklik toʻldirilgan turli balandlikdagi idishlarga botirish kerak. Sifon turli gidravlik qurilmalarda ishlatiladi;
2) naychasining uchi tubigacha yetadigan joʻmrakli idish. Bosim ostidagi turli koʻpiruvchi ichimliklarni gazlash, saklash, tashish va bir idishdan ikkinchisiga quyish uchun ishlatiladi;
3) suv ombori, kanal va b. dan ortiqcha suvni chiqarib yuborish uchun ishlatiladigan avtomatik asbob.