QOʻRCHI — tarixiy harbiy atama;
1) oʻrta asrlarda Turkiston va ayrim Sharq davlatlarida turkiy qabilalarning eʼtiborli va ishonchli kishilaridan saroyda tuzilgan maxsus saralangan harbiy qism jangchilari. hukmdor va nufuzli ayonlarning shaxsiy qoʻriqchilari;
2) Temuriylarda ekinzorlarni qoʻriqlovchi harbiy qism jangchilari. Ularning boshligʻi qoʻrchi boshi, qurol-aslahalari saqlanadigan joy qoʻrxona deyilgan; Shayboniylar va Oʻrta Osiyoda xonliklar davrida xon oʻrdasini qoʻriklab turuvchi maxsus harbiy qism jangchilari. q. hozirgi paytda zamonaviy gvardiyachi atamasiga toʻgʻri keladi.