SHTRAUS

SHTRAUS Iogann oʻgʻli (1825.25.10Vena1899.3.6) ommaviy raqs musiqasi va operetta janri ustasi. 1844-yildan oʻzi tashkil etgan konsert ansambli (keyinchalik orkestr) rahbari sifaggida Yevropa mamlakatlari va AQSHda gastrolda boʻlgan. Shtraus venacha vals («Goʻzal moviy Dunayda», «Vena oʻrmoni ertaklari», «Ming bir kecha», «Bahor ovozlari» va boshqalar; jami 150 dan ortiq), venacha «raqsli» operetta («Indigo va 40 qaroqchi», 1871; «Koʻrshapalak», 1874; «Loʻlilar baroni», 1885 va boshqalar; jami 16 ta) larning mumtoz namunalarini yaratgan. Eng yaxshi vals, polka va boshqalar kuylari Avstriyada xalq asarlariga aylangan. Shtraus valslari, «Forscha marsh»i va boshqalar asarlari Oʻzbekistonda ham ommaviylashgan; «Zavqli urush» operettasi Toshkent operetta teatrida sahnalashtirilgan (1979). Shtrausning otasi — Shtraus Iogann (1804.14.3 — Vena — 1849.25.9) ham raqs musiqasi ustasi sifatida shuhrat qozongan. yil Lanner bilan birga valsning yangi (turkumli «venacha vals») turini yaratib, «vals qiroli» nomiga sazovor boʻlgan. U, shuningdek, turli raqs asarlari (galop, kadril va boshqalar), marshlar muallifidir.