ROBIYA SULTON BEGIM MAQBARASI — Turkiston sh. (Qozogʻiston)dagi meʼmoriy yodgorlik (15-a.) Yassaviy majmuasi tarkibida. Ulugʻbekning qizi Robiya Sulton begimga atab qurilgan. Maqbara tarhi 8 qirrali, bosh tarzidagi peshtoq boʻrttirib ishlangan. Ichki qismi ham 8 qirrali, uning har bir qirrasi ravokli tokchalarga boʻlingan. Robiya Sulton begimning marmar qabr toshi turli oʻyma naqsh va yozuvlar bilan bezatilgan. 1898-y. da maqbara butunlay buzib tashlangan. 1972—75 y. larda qayta tiklash va taʼmirlash ishlari olib borilgan.
Ad.: Arxitekturnыy kompleks Axmeda Yasavi, AlmaAta, 1988.