NAZALIZATSIYA

NAZALIZATSIYA — (frans. nasalisation lot. nasus — burun), burunlanish — nutq tovushlari (asosan unlilar)ning yumshoq tanglay pasayishi va oʻpkadan chiqayotgan havo oqimining ayni bir paytda ham ogʻiz, ham burundan chiqishidan iborat artikulyatsiyasi. Ogʻiz va burun rezonatorlarining ayni bir paytda qoʻzgʻalishi natijasida tovush alohida tembrga ega boʻladi. Nazalizatsiya fonemalarning farqlanuvchi belgisi boʻla olishi mumkin; fonemalar Nazalizatsiyasi, boshqacha aytganda, burunlangan fonemalar koʻproq fransuz, polyak, portugal, hind tillarida uchraydi. Mac, a — a, e — a va b.