RUKN

RUKN — islomda eng muhim sanalgan 5 ta vazifa. Unga kalimai shahodat, namoz, zakot, roʻza va haj ibodatlari kiradi. Rukn talablarini bajarish islomda har bir musulmon uchun farz hisoblanadi. Lekin baʼzi istisno holatlarda bu majburiyat zimmadan soqit boʻladi. Mas, boyligi shariat belgilagan maʼlum miqdor (nisob)ga yetmagan kishi zakot bermaydi yoki imkoni boʻlmagan musulmon uchun haj ibodatini amalga oshirish shart hisoblanmaydi.