LAGAN

LAGAN — roʻzgʻor buyumi; quyuq ovqatlar, meva-cheva va b. narsalar solinadigan katta yuzasi yoyiq keng yassi idish. Sopol, chinni L. qadimdan tayyorlangan. Bezakli va bezaksiz qilib tayyorlanadi, sopol L. naqshlar bilan bezatilgandan soʻng sirlanadi. Mis L. (baʼzan laʼli deb ham ataladi) kandakori usulida naqshlanadi. Oʻzbekistan hududidan topilgan qad. Lagan turlari muzeylarda saqlanadi.