IRGʻIZ

IRGʻIZ — Qozogʻiston Respublikasining Oqtoʻba viloyatidagi daryo. Toʻrgʻayning oʻng irmogʻi. Uz. 593 km, havzasining mayd. 31,6 ming km2. Mugʻojar togʻlarining sharqiy yon bagʻridan boshlanadi. Yozda quyi qismi qurib, suv faqat daryo oʻzanining chuqurroq qismlarida saqlanib qoladi. Irgʻizning yuqori oqimida suvi chuchuk, quyi oqimida shoʻrroq. Asosan, qordan toʻyinadi. Quyilish joyida oʻrtacha yillik suv sarfi 7,56 m3/sek. Noyab. da muzlab apr. ning ikkinchi yarmida muzdan boʻshaydi.