AHMADIY ABDURAIM

AHMADIY ABDURAIM (1927.20.12, Qashqar sh.) — uygʻur xonandasi. Oʻzbekiston xalq artisti (1989). Urumchi sh. Uygʻur musiqali drama teatri (1946 — 47), Gʻulja sh. teatri (1947 —49), Chuchak sh. teatri (1950 — 61), Urumchidagi Sinszyan-uygʻur muxtor r-n filarmoniyasi (1950 — 61), Olmaota sh. dagi Uygʻur teatri (1961 — 71), Oʻzbekiston radiosi qoshidagi Uygʻur ansambli (1971 — 86), Oʻzbekiston davlat filarmoniyasi (1986 — 90)da xonanda. Repertuaridan asosan uygʻur xalq qoʻshikdari (mas, «Yoru», «Doday», «Senga xushtor»), sanamlar, Qashqar va Dulon muqomlari, shu bilan birga zamonaviy bastakorlarning asarlari oʻrin olgan.