Dunyo tashvishlarini yelkangdan olmasa gar,
Yo`llaring davomida yangi yo`l solmasa gar, (x2)
Eng so`nggi dam ortingdan zor yig`lab qolmasa gar,
Farzandim bor demagil, farzand emas u. (x2)
Chaqinlar chaqnamasa bosgan qadamlaridan,
O`zin o`tga urmasa sevgi olamlaridan,
Otash bo`lib qaytmasa sha’n visol damlaridan,
Oshig`im bor demagil, oshiq emas u.
Otash bo`lib qaytmasa sha’n visol damlaridan,
Oshig`im bor demagil, oshiq emas u.
Simobday qalqimasa bag`ritosh suluvlar ham,
Yurakdan balqimasa eng buyuk orzular ham,
Sarhush bo`lib yurmasa tinglagan ohular ham,
Qo`shig`im bor demagil, qo`shiq emas u.
Sarhush bo`lib yurmasa tinglagan ohular ham,
Qo`shig`im bor demagil, qo`shiq emas u.
Tengdoshlar qatoridan o`rin olib ketmasang,
Bu kurash maydonidan mag`rur g`olib ketmasang,
Ming-minglab yuraklarda mangu qolib ketmasang,
Hayotim bor demagil, hayot emas u.
Ming-minglab yuraklarda mangu qolib ketmasang,
Hayotim bor demagil, hayot emas u.
Hayot emas u, hayot emas u…