Post Views:
43
«NATSIONAL» – mehmonxona. O‘rta Osiyoda dastlabki mehmonxona bo‘lib, 1912 yilda Jizzax ko‘chasi (hozirgi Buxoro ko‘chasi) va Zirabuloq ko‘chasi muyulishida nemis uyg‘onish davri uslubida (me’mor I.A.Makevich), o‘sha paytdagi yirik boylardan To‘xtaboy mablag‘iga qurilgan. Keyinchalik «Sharq» deb atalgan. 1919–20 yillarda binoda Turkiston fronti shtabi joylashgan. Shaharni rekonstruksiya qilish munosabati bilan binoning bir qismi 1970-yillar oxirida buzib tashlangan. Saqlanib qolgan qismi ta’mirlangan. Unda (Buxoro ko‘chasi, 16) O‘zbekiston Respublikasi «Nuroniy» jamg‘armasi joylashgan.
«Toshkent» ensiklopediyasi. 2009 yil
https://shosh.uz/uz/yaqin-o-tmish-natsional/