QORAQULOV

QORAQULOV Juman (1921, Qoraqalpogʻiston Respublikasi, Toʻrtkoʻl tumani — 1944.18.10. Chexoslovakiya, Zvala sh. chasi) — 2-jahon urushi qatnashchisi. 1942-y. dan frontda. 327-gvardiyachi togʻ oʻqchi polki (4-Ukraina fronti 1-gvardiyachi armiyaning 128-gvardiyachi togʻ oʻqchi diviziyasi)ning gvardiyachi oddiy askari. Zvala sh. chasini ozod etishda koʻrsatgan jasorati uchun Qahramon unvoni berilgan (1945.24.3, vafotidan soʻng). Qoraqalpogʻiston Respublikasining Chimboy sh. dagi koʻcha va maktabga uning nomi berilgan.