DYUSSELDORF

DYUSSELDORF — Germaniyadagi shahar, Dyussel daryosining Reyn daryosiga quyilish yerida joylashgan. Shim. Reyn-Vestfaliya yerining maʼmuriy markazi, mamlakatning yirik iqtisodiy markazlaridan. Aholisi 568,4 ming kishi (1998). Dyusseldorf tarixiy man-balarda 12-a. dan, shahar sifatida 1288-y. dan tilga olingan. Transport yoʻllarining muhim tuguni. Daryo porti, xalqaro aeroport bor. Rurning iqtisodiy-moliyaviy markazi. Poʻlat eritish va prokat i. ch., umumiy va transport mashinasozligi, stanoksozlik, elektrotexnika, qora metallurgiya va kon sanoati uchun uskunalar i. ch., kimyo, oyna, yogʻochsozlik, toʻqimachilik sanoati korxonalari bor. Dyusseldorfda Germaniyadagi asosiy banklarning boʻlimlari, koʻpgina konsernlarning boshqaruv organlari joylashgan. Un-t (1965), tib-biyot akademiyasi, BA, maʼmuriy xoʻjalik akademiyasi, kora metallurgiya in-ti, Badiiy, iqtisod va Gyote muzeylari, konservatoriya, opera teatri bor. Dyusseldorf — mashhur nemis shoiri Geynening vatani. Shaharda oʻrta asrlarga oid meʼmoriy yodgorlik koʻp.

0 0 голоса
Рейтинг статьи
Подписаться
Уведомить о
guest

0 комментариев
Старые
Новые Популярные
Межтекстовые Отзывы
Посмотреть все комментарии
0
Оставьте комментарий! Напишите, что думаете по поводу статьи.x