KASSINI (Cassini) — ota-bola fransuz astronom va geodezistlari (millati — italyan):
1) Jovanni Domeniko Kassini (Jan. Dominik) (1625—1712) — Parij rasadxonasining birinchi direktori (1669-y. dan); Yupiter va Marsning aylanishini, Saturnning 4 yoʻldoshini kashf qilgan, Saturn halqasidagi tirqish (K. boʻlinmasi yoki «tirqishi») ni aniqlagan. Oyning optik libratsiyasi (tebranishlari) ni tadqiq qilgan;
2) Jak Kassini (1677—1756) — Parij rasadxonasining direktori (1712-y. dan); Parij meridianining jan. va shim. yoylarini oʻlchashda qatnashgan; parallel gradusini birinchi boʻlib oʻlchagan (1734).