DIZPUL

DIZPUL — Eronning jan.gʻarbidagi shahar. Diz daryosining soʻl sohilida. Xuziston viloyati tarkibida. Axoliyey 202,6 ming kishi (1997). Dizpul yonidan xalqaro t. y. va neft quvuri oʻtgan. Sholi oqlash, paxta tozalash va konserva z-dlari, teriga ishlov berish korxonalari bor. Hunarmandchilik (gilam toʻqish va b.) rivojlangan. Teri va jun mahsulotlari bilan savdo qilinadi. Daryoga 22 ravoqli koʻprik-toʻgʻon qurilgan (7a.). Shahar nomi ham shundan.