LONDON QIROLLIK JAMIYATI, Tabiat haqidagi bilimlar taraqqiyoti boʻyicha London qirollik jamiyati — Buyuk Britaniyaning yetakchi ilmiy jamiyati, Yevropadagi kad. ilmiy markazlardan biri. 1660-y. tashkil etilgan va 1662-y. Qirollik xartiyasi bilan tasdiklangan. Buyuk Britaniyada i. t. larni tashkil etish va rivojlantirishda muhim rol oʻynaydi hamda ilmiy siyosatning asosiy masalalarini hal etishda maslahat organi, xalqaro nohukumat ilmiy assotsiatsiyalarda milliy FA sifatida ish koʻradi.
London qirollik jamiyati, asosan, tabiiy fanlar soxasida tadqiqot olib boradi. London qirollik jamiyati taʼsischilardan biri ingliz fizigi va kimyogari R. Boyl. R. Guk, K. Ren, I. Nyuton L. q. j. ning dastlabki rahbarlaridan boʻlishgan. 1 mingdan ortiq aʼzosi bor. Jahondagi eng qad. ilmiy jur. lardan biri boʻlgan «Falsafiy axborot»ni nashr etadi (1665-y. dan).