ANTEKS OCHIQ TURDAGI AKSIYADORLIK JAMIYATI

«ANTEKS» OCHIQ TURDAGI AKSIYADORLIK JAMIYATI — yengil sanoat korxonasi. «Oʻzbekengilsanoat» uyushmasi tarkibiga kiradi. Andijon viloyati Shahrixon tumanida joylashgan. Uning korxonasi 1994—1999-y. larda qurilgan. Uni barpo etish uchun 26 mln. AQSH dollari miqdorida sarmoya mablagʻ sarflangan. Germaniya, Italiya, Shveysariya singari rivojlangan mamlakatlardan zamonaviy texnologik jihozlar va asbob-uskunalar sotib olingan. Bu ishlab chiqariladigan mahsulotlarning sifati va raqobatbardoshligi boʻyicha jahon bozoridan munosib oʻrinni olishga imkon berdi. Jamiyatda yiliga 2700 t aʼlo sifatli kalava ip tayyorlanadi. Kelgusida ip shu yerning oʻzida toʻqilib, tayyor gazlama holiga keltiriladi. 2000-y. ti-kuv hamda boʻyoq f-kalari ishga tushirildi. 500 dan ortiq ishchi ishlaydi (2000).