KOLUMBIYALIKLAR

KOLUMBIYALIKLAR (oʻzlarini – kolombiano deb atashadi) — xalq. Kolumbiyaning asosiy aholisi (32,5 mln. kishi). Venesuela (1,75 mln. kishi), AQSH va b. mamlakatlarda ham yashaydilar. Umumiy soni 34,5 mln. kishi (1990-y. lar oʻrtalari). Asosan, metislar, qisman mulatlar, kreollar. Ispan tilining Kolumbiya mahalliy laxjasida soʻzlashadilar. Dindorlari — asosan, katoliklar. Asosiy mashgulotlari — dehqonchilik (kofe, banan, ananas, paxta, tamaki, kakao, makkajoʻxori, bugdoy, sholi yetishtirish va b.), shuningdek, bir qism aholi neft va kon sanoatida band.