LOREN

LOREN (Loren) Sofiya (asl familiyasi Shikolone) (1934.20.9) — Italiya kinoaktrisasi. 1949-y. «Goʻzallar tanlovi»da qatnashib, shu yildan filmlarda suratga tusha boshlagan. «Neapol oltinlari», «Daryodan kelgan ayol» filmlari unga katta shuhrat keltirgan. «Chochara» filmidagi Chezira roli uchun «Oskar» mukofotiga sazovor boʻlgan. «Italyancha nikoh», «Kecha, bugun, ertaga», «Bakkacho, 70», «Kungaboqar», «Gʻaroyib kun», «Rim imperiyasining qulashi», «Lamanchli kishi» kabi filmlar Loren ijodida alohida oʻrin tutadi. 1990-y. «Shanba, yakshanba, dushanba» filmida bosh rolni oʻynadi.