URSOL KISLOTA

URSOL KISLOTA, S29N46(ON) SOON — triterpenlar sinfiga oid organik kislota, oq kristall modda. Mol. m. 456,37, suyuklanish t-rasi 112°. Suvda erimaydi, spirt, xloroform va b. qutblangan organik erituvchilarda yaxshi eriydi. Ursol kislota olma mevalarining chiqindilaridan (quritilgan poʻchogʻidan) Sosklet apparatida spirt bilan ekstratsiyalab olinadi. Klyukva turupi (chiqindisi) ni xloroform bilan ekstraksiyalab ham Ursol kislotani ajratib olish mumkin. Ursol kislota biologik faol modda, yurakni oziklantiradigan vena qon tomirlarini kengaytirib, natriy ionlarini saqlab qolish xususiyatiga ega; virusga va yalligʻlanishga qarshi taʼsir koʻrsatadi. Ursol kislotaning metil efiri — emulgator.