Tohir Mahkamov — Bir qo’shiq yozaman

Men bir qo`shiq yozaman kelganda bahor,
Bir qo`shiq yozaman to`lganda anhor,
Qo`shig`im taftidan erib ketadi
O`sha hissiz yotgan qirlardagi qor.

Ha, qo`shiq yozaman, faqat bir qo`shiq,
Qo`shiqqa yozaman dardimni qo`shib.
Eshitgan har inson erib ketadi,
Tosh yurak ham kuylaydi jo`shib.

So`ngra qo`shiq yozgan o`sha qog`ozdan
Bir kun katta qayiq yasayman, dunyoda ustun.
Qarshimda g`ov bo`lgan katta muzlikni
Oddiy qog`oz qayig`im qo`ymaydi butun.

Qo`shiqqa solaman qalam qoshlarni,
Qo`shiqqa solaman daryodagi xarsang toshlarni,
Hayot tegirmonida ming bor urilib,
Yana tikka turgan mag`rur boshlarni.

Ha, o`sha siz kutgan qo`shiq bo`ladi,
Faqat ezgulikning ko`ngli to`ladi.

0 0 голоса
Рейтинг статьи
Подписаться
Уведомить о
guest

0 комментариев
Межтекстовые Отзывы
Посмотреть все комментарии
0
Оставьте комментарий! Напишите, что думаете по поводу статьи.x