Ko`ngil mulkini toroj
Aylagan ishq istilosidir. (x2)
Na bo`lg`ay oxiri, bu
Istiloning ibtidosidir, ibtidosidir.
Degaylar, do`stlikdin
Boshlanur ishq, aksi ermasmi?
Biz endi do`st, dedi yor,
Oh, bu sevgi intihosidir, intihosidir.
Ko`ngil mulkini toroj
Aylagan ishq istilosidir, istilosidir.
Muhabbat sajdagohida
Sig`indim yor — sanamga man,
Biling, dinsizlar osiymas,
Muhabbatsizlar osiydir, osiydir.
Ko`ngil mulkini toroj
Aylagan ishq istilosidir, istilosidir.
Nechun husnu sadoqatni
Egiz tug`mabdi bu olam?
Tabiat qasdidir yoki
Bu ham bitta xatosidir, xatosidir. (x2)
Ko`ngil mulkini toroj
Aylagan ishq istilosidir, istilosidir.
Jafo qil, mayli, ey dilbar,
Vasl umidin qo`ymag`ay Erkin,
Yotar yo`lingda bu ko`nglim —
Bir shirin so`zning gadosidir, gadosidir.
Ko`ngil mulkini toroj
Aylagan ishq istilosidir, istilosidir.