RIONI

RIONI — Gruziyadagi daryo. Uz. 327 km, havzasining mayd. 13400 km2. Katta Kavkazning Bosh yoki Suvayirgʻich tizmasining jan. yon bagʻridan boshlanadi. Kutaisi sh. gacha togʻlar orasidan okib, soʻng Kolxida pasttekisligiga chiqadi. Qora dengizga quyilish joyida delta hosil qiladi. Kor va muzlikdan, quyi okimida yomgʻirdan suv oladi. Quyilish joyida oʻrtacha suv sarfi 405 m3/sek. Daryoga Rioni, Gumat GESlari qurilgan. Rioni vodiysining bosh qismidan Osetiya harbiy yoʻli oʻtgan. Rioni boʻyida Oni, Kutaisi, Poti sh. lari joylashgan.