RASULOV Hasan Gʻofurovich

RASULOV Hasan Gʻofurovich (1913.15.3, Qizil Urda sh., Qozogʻiston — 1992.22.3, Toshkent) — faylasuf olim. Oʻzbekistonda xizmat koʻrsatgan fan arbobi (1973), prof. (1965). Toshkent kechki ped. institutida oʻqituvchi (1933-y. dan), Toshkent q. x. instituti falsafa kafedrasining mudiri (1948—67). 1968-y. dan ToshDU huzuridagi Ijtimoiy fanlar oʻqituvchilari malakasini oshirish in-ti falsafa kafedrasi mudiri. Ilmiy ishlari axloq, falsafa fanlarini oʻqitish metodikasi masalalariga bagʻishlangan. Toshkentdagi koʻchalardan biriga uning nomi qoʻyilgan.