PONI

PONI (ing. pony) — Britaniya (shu jumladan, Shedlend, Gebrid, Irlandiya va b. orollarda), Islandiya, Korsika, Sitsiliya, Xokkaydo (Yaponiya)da yetishtirilgan pakana otlar. 20 dan ortiq turi mavjud. Boʻyi 40—125 sm. Tusi har xil. Koʻpchilik mamlakatlarda, asosan, hayvonot bogʻlarida saqlanadi, dam olish bogʻlarida yengil aravachalarga, bolalar aravasiga qoʻshilib, egarlanib, sayrchilarga xizmat koʻrsatadi. Ponining miniladigan, aravaga qoʻshiladigan maxsus turlari yetishtiriladi. Poni otlar Oʻzbekistonda ham urchitilib koʻpaytiriladi.