MYUNSER

MYUNSER (Munzer, Muntzer) Tomas (taxm. 1490, Shtolberg, Gars — 1525.27.5, Myulxauzen yaqinida, Tyuringiya) — Reformatsiya davrida dehqonplebeylar ommasi yetakchisi va Germaniyada 1524—26 y. lardagi Dehqonlar urushi rahbari. Hokimiyatni zoʻrlik bilan agʻdarib tashlash, uni xalq qoʻliga topshirish va odil jamiyat oʻrnatish gʻoyalarini diniy shaklda targʻib qilgan. Tyuringiya — Saksoniyada Dex,qonlar urushining yagona markazini tuzishga uringan, lekin 1525-y. 15-mayda uning otryadi Frankenxauzen sh. yonida tormor etilib, Myunser asir tushgan va qatl etilgan.