MOLCHANOV Lev Aleksandrovich

MOLCHANOV Lev Aleksandrovich (1878—1962) — tabiiy geograf, iqlimshunos, zoolog, koʻlshunos olim. Oʻzbekistonda xizmat koʻrsatgan fan arbobi (1943). Prof. (1922), geogr. fanlari d-ri (1938). 1907-18 y. larda Oʻrta Osiyo (Amudaryo, Pomir)da biologik, gidrologik va meteorologik kuzatuvlar olib borgan. 1921 —1938-y. larda Turkiston (Urta Osiyo) meteorologiya ilmiy tadqiqot in-tida ishlagan va Oʻrta Osiyo untining prof. 1938-y. dan umrining oxirigacha Toshkent q. x. in-tida meteorologiya va iqlimshunoslik kafedrasi mudiri. Ilmiy ishlari, asosan, Oʻrta Osiyo iqlimi, gidrologiyasi va umumiy tabiiy geogr. siga bagʻishlangan.