MODILYANI

MODILYANI (Modigliani) Franko (1918.18.6, Rim) — amerikalik iqtisodchi. Huquq d-ri (1939), iqtisodiyot adyunkt-prof. (1949), Illinoys unti iqtisodiyot prof. (1950—52), Kar-negi texnologiya in-tida iqtisodiyot va sanoatni boshkarish prof. (1952 — 60), Kembrij unti prof. (1970). Modilyani keynechilik siyosiy iqtisodini neoklassik iqtisodiy nazariya va monetar tahlil b-n uygʻunlashtirishga erishdi. Modilyani makroiqtisodiy nazariyada ratsional kutish konsepsiyasini rivojlantirishga, pul va foiz nazariyasiga, «hayotiy sikl» modeli va investitsiya qarorlari modellarini yaratishga katta hissa qoʻshdi. Nobel mukofoti laureati (1985).