Erkin aka deputatlik paytida tegishli tumandagi saylovchilar bilan yigʻilish oʻtkazdi.
– Sizga bir arzimizni aytmoqchiman, – deb qoldi saylovchilardan biri. – Qoʻshni mahallada artizon suvi bor, bizda yoʻq. Toʻrt yuz metrgina quvur tortilsa, ish bitadi-qoladi, lekin shoʻrolar davridan beri shu masala hal boʻlmay turibdi.
Shunda Erkin aka kulimsirab mutoyiba qildi:
– Oʻsha toʻrt yuz metr quvur muammosini oʻzimiz hal qila qolaylik deb, yurtimiz ataylab mustaqil boʻldi. Bu ishni mana endi bitiramiz-da!
Koʻp oʻtmay, bu yumush bitdi.
Anvar OBIDJON
https://saviya.uz/hayot/mashhurlar-hayoti/masalaning-mohiyati/