KADETLAR (frans. cadet — kichik soʻzidan) — I) oʻrta asrlarda Fransiya va Prussiyada ofitserlikka erishguncha oddiy askar boʻlib xizmat qiluvchi yosh dvoryanlar;
2) 1917-y. ga qadar Rossiya xamda baʼzi chet davlatlarda kadet korpuslari talabalarining unvoni. Buxoro amirligining valiaxdi Olimxon Peterburgdagi Nikolayev kadet (pajlar) korpusida harbiy taʼlim olgan (1893—96). 20-a. ning 80-y. larida esa (AQSH, Fransiya va b. davlatlar) harbiy oʻquv yurtlari kursantlarining unvoni boʻlgan. Xoz. paytda Rossiya Federatsiyasida kadet korpuslari qayta tiklandi.