Xalqaro press-klub sessiyasida Senatning Byudjet va iqtisodiy islohotlar masalalari qoʻmitasi raisi Erkin Gadoyev ushbu masalaga izoh berdi:
— Ijtimoiy ijara iborasi avval qoʻllanilmagan. Bu ibora Prezidentimiz tomonidan aytildi. Ijtimoiy ijara boʻyicha qilinadigan asosiy ishlar va yoʻnalishlar ham aytib oʻtildi. Toshkent shahrining oʻzida 9000 ta noturar joyda yashayotgan oilalar mavjud. Ijara puli Toshkent shahrida 2 million soʻmdan kam emas, boshqa aholi punktlarida esa 1 mln soʻmdan kam emas.
Prezidentimiz tomonidan dastlab tajriba tariqasida Qoraqalpogʻiston Respublikasi, Qashqadaryo va Buxoro viloyatlarida respublika byudjet mablagʻlari hisobidan 30 tadan 90 tagacha koʻp qavatli uy qurish belgilandi. Shuni hisobga olganda, bu uylarga nominal miqdorda ijara puli toʻlanadi. Tejalgan mablagʻlari hisobiga esa yigʻib, ipoteka uy-joy sotib olish imkoniyati vujudga keladi.
Maqola yoqdimi! Uni tezroq do’stlaringizga ma’lum qiling: