ICHKI MEHNAT TARTIBI QOIDALARI — OʻzRda ishlab chiqarish jarayonida qatnashuvchilarning birgalikdagi mehnatini tartibga soluvchi asosiy meʼyoriy hujjat. I. m. t. q. ning asosiy maqsadi xodimlarni mehnatga ongli munosabatda boʻlish ruhida tarbiyalash, mehnat intizomini yanada mustahkamlash, mehnatni ilmiy asosda tashkil etish, ish vaqtidan oqilona foydalanish, yuqori ish sifatiga erishish. mehnat unumdorligi va i. ch. samaradorligini oshirishdan iborat. Hoz. kunda amal qilib kelayotgan bunday meʼyoriy hujjat OʻzR Mehnat vazirligi tomonidan 1996-y. 2 apr. da tasdiqlangan, u idoraviy mansubligi, mulkchilik va xoʻjalik yuritish shakllaridan qatʼi nazar, korxonalar, muassasalar, tashkilotlar xodimlari uchun Namunaviy Ichki mehnat tartibi qoidalari deb ataladi va ish beruvchilar hamda xodimlar uchun majburiy qridalarni oʻz ichiga oladi.
Namunaviy Ichki mehnat tartibi qoidalari asosida vazirliklar va idoralar tegishli markaziy (respublika) kasaba uyushmalari qoʻmitalari bilan kelishib, xalq xujaligining muayyan tarmogʻi xususiyatlariga tatbiqan tarmoqlarning Ichki mehnat tartibi qoidalarini ishlab chiqadi. Korxonalar, tashkilotlar, muassasalardagi Ichki mehnat tartibi qoidalari ham mazkur Namunaviy Ichki mehnat tartibi qoidalari asosida ish sharoiti hisobga olingan holda tuziladi va ish beruvchi tomonidan kasaba uyushma qoʻmitasi yoki xodimlarning boshqa vakillik organlari bilan kelishib, tasdiklanadi. Tarmoq va korxonalarning Ichki mehnat tartibi qoidalari Oʻzbekiston Mehnat kodeksi qamda Namunaviy Ichki mehnat tartibi qoidalariga va mehnat haqidagi boshqa meʼyoriy huj-jatlarga xilof boʻlishi mumkin emas. Xodim ishga qabul qilinayotganda ish beruvchi uni mazkur qoidalar bilan tanishtirmogʻi shart.