GRIVS

GRIVS Jon (1602 – 1652) – ingliz astronomi. Oksford (Angliya) un-ti prof. Yevropada birinchi boʻlib «Ulugʻbek ziji»ni tekshirgan. Unda berilgan yulduzlar jadvalidagi 98 yulduzning vaziyatini uz ichiga olgan birinchi ishi lotin tilida Oksfordda (1648) eʼlon qilingan. Shu yili Londonda geografik jadvallar, ikki yildan keyin esa xronologiyasi bosildi. Bu ikkala ishi «Ulugʻbek ziji» asosida yozilgan. Grivs asarlari 15-a. Samarqand olimlari ishlarini oʻrganish va yoyishga gʻarb olimlari diqqatini jalb etdi.