GOʻROʻGʻLIXON

GOʻROʻGʻLIXON — «Goʻroʻgʻli» turkumidagi dostonlarni jamoat oʻrtasida qiroat bilan oʻquvchi, yoddan aytuvchi kishi. Goʻroʻgʻlixonlar xalq baxshi-shoirlari kabi asarga ijodiy yondashmaganlar — versiya, variant yaratmay, kitobda yozilganini yod olib, xonandalar singari kuylaganlar. Bu jihatdan ular qissaxonlarga yaqin turadi. 19-a. ning 2-yarmi va 20-a. ning boshlarida Sulton shoir (Samarqand viloyati), Nishon ota (Toshkent viloyati) kabi mashqur Goʻroʻgʻlixonlar boʻlgan.