FOTOLYUMINESSENSIYA

FOTOLYUMINESSENSIYA — yorugʻlik nurlari va ultrabinafsha nurlar vujudga keltiradigan lyuminessensiya turi. Fotolyuminessensiyaning optik spektrlari (103—0,1 mkm toʻlqin uzunlikdagi elektromagnit nurlanish spektrlari) chizikli, yoʻlyoʻl va uzluksiz (tutash) boʻlishi mumkin. Ularning qandayligi moddaning agregat (baʼzi xossalari sakrabsakrab oʻzgaradigan) holatiga, atomlar va molekulalarining vujudga kelish (uygonish) shartsharoitlariga bogʻliq, faqat bugʻlar Fotolyuminessensiyasi spektrlarigina uygʻotuvchi nurlanish (yorugʻlik nurlari va ultrabinafsha nurlar) toʻlqinlari uzunligiga boglik boʻladi. Fotolyuminessensiyaning eng oddiy holi — atom bugʻlarining rezonans (uygʻunlashib) nurlanishi. Fotolyuminessensiyadan lyuminessent lampalar, yorugʻlikni qayd qilish asboblari va b. da foydalaniladi.