FANFARA (frans. fanfara) — 1) qad. puflama mis musiqa cholgʻu asbobi, ventilsiz trubaushng uzaytirilgan turi. Ikki marta qayrilgan metal silindr va konussimon naydan iborat;
2) tantanali yoki jangovar signal. Yevropa musiqasida koʻproq major uchtovushligiga asoslanadi. Barcha mis puflama sozlarda ham ijro etilishi mumkin. Fanfara ohanglari ommaviy qoʻshik, harbiy marsh, shuningdek, opera, simfonik va b. asarlarda qoʻllaniladi. Oʻzbek milliy sozlaridan karnay (ayniqsa, bir nechta karnaylar) sadolari xam asosan Fanfara oxanglaridan iborat.