ASOSIY ISHLAB CHIQARISH

ASOSIY ISHLAB CHIQARISH, asosiy tarmoq — korxona i. ch. tuzilmasi va ixtisoslashuvining rejali yoʻnalishini belgilaydigan tarmoq. Xom ashyoni tovar mahsulotiga aylantirishda hal qiluvchi rol oʻynaydi. Xom ashyoni i. ch. ga tayyorlab beruvchi, ishlab beruvchi, tayyor mahsulotga aylantiruvchi sexlarni oʻz ichiga oladi. Odatda, Asosiy ishlab chiqarish yalpi va tovar mahsuloti, mehnat va moddiy vositalar sarfi, pul tushumlarida eng katta salmoqqa ega boʻladi. Q. x. korxonalari oʻz ixtisoslashuviga koʻra paxtachilik, gʻallachilik, bogʻdorchilik, qoʻychilik va b. yoʻnalishlarga ega boʻlishi mumkin (q. Ishlab chiqarishning ixtisoslashuvi).