MAKEDONLAR — 1) Qad. Makedoniya aholisi;
2) Makedoniya tarixiy viloyatida yashovchi turli etnik guruhga mansub aholi nomi;
3) xalq, Makedoniya (sobiq Yugoslaviyaning Makedoniya Respublikasi) ning asosiy aholisi. Bolgariyada, Shim. Gretsiyada (150 ming kishi), AQSHda (30 ming kishi), Avstraliyada (115 ming kishi) yashaydi. Umumiy soni 1,77 mln. kishi (1990-y. lar oʻrtalari), shu jumladan, Makedoniyada taxm. 1,63 mln. kishi makedon tilida soʻzlashadi. Dindorlari — pravoslavlar, sunniy musulmonlar ham bor. M. dehqonchilik, chorvachilik va hunarmandlik bilan shugʻullanadi.