XILL

XILL (Hill) Archibald Viviyen (1886.26.9, Bristol, Angliya — 1977.3.6, Kembrij) — ingliz fiziologi; London Qirollik jamiyati aʼzosi (1918-y. dan; 1935—45 y. sekretar), Kembrij universitetini tugatgan (1907); shu universitetda fizik kimyodan va Manchester universitetida fiziologiyadan dare bergan (1914—19); shu universitet hamda Londondagi universitet kollejida fiziologiya prof. (1920—23; 1923—25). Fan va taʼlimni qoʻllabquvvatlash jamiyati raisi (1946—63; 1963-y. dan prezidenti). Ilmiy ishlari muskullar faoliyati termodinamikasi va muskullar qisqarishi mexanizmiga oid. Nobel mukofoti laureati (1922, O. Meyergof bilan hamkorlikda).