Yaxshilik chun qilmading, bori yomonligʻ qilmagʻil!

Zahiriddin Muhammad Bobur ijodida balqib turadigan umidbaxsh satrlar taʼsiri insonga kuch bagʻishlaydi. U doʻstlik, birodarlik, Vatanga sadoqat kabi sifatlarni olqishlaydi, inson kamolotidagi axloqiy va maʼnaviy masalalarni, qadr-qimmatni yuqori koʻtargan. Xasislik, xudbinlik, riyokorlik kabi yaramas illatlarni qoralaydi. Mansab va davlatga erishganda ortiqcha gʻururlanmaslik, kamtarin boʻlish kabi fazilatlar ham uning diqqat markazida turgan. Shoir sifatida ota-ona bilan farzand oʻrtasida mehr-muhabbat, ehtirom kabi xislatlar barqaror boʻlishini istaydi. Quyida uning bebaho hikmatlaridan ayrimlarini keltirdik.

 

***

Bu olam aro ajab alamlar koʻrdum,

Olam elidin turfa sitamlar koʻrdum,

Har kim bu “Vaqoyeʼ”ni oʻqur, bilgaykim,

Ne ranju ne mehnatu ne gʻamlar koʻrdum.

***

Bormu erkin hech nima olamda hijrondin yomon,

Har nekim ondin yomonroq yoʻq, budur ondin yomon.

***

Oʻzungni shod tutqil, gʻam yema dunyo uchun zinhor –

Ki, bir dam gʻam yemakka arzimas dunyoi farsuda,

***

Dushman soʻziga kirma, eshit doʻst soʻzin,

Eshitmasa soʻzni doʻst, dushman ne degay?

***

Otani chunki qibla debturlar,

Qibla yangligʻ anga nazar qilgʻil.

***

Davlat uchun koʻngulni zor etma!

Izzat uchun oʻzingni xor etma!

***

Har soʻzki eshitsa, desa boʻlmas,

Soʻz borki, aytsa – desa boʻlmas.

***

Umr gʻaflatda oʻtkarib borasen,

Ey yigit, voqif oʻl, qarib borasen.

***

Yomon ot bila tirilgandin,

Yaxshi ot bilan oʻlgan yaxshiroq.

***

Gʻurbat bu aziz umrni kam qiladur.

***

Olam bogʻida topmoq, guli bexor mushkuldur.

***

Taqdirdur ul yonu bu yon solgʻuchi…

***

Aysheki oʻtti – oʻzga ani zikr aylama,

Har nimaiki yitti – soʻroqigʻa arzimas.

***

Kimki, ondin yaxshi yoʻq,

Koʻz tutma ondin yaxshiligʻ!

***

Yotlarni, kerakki, oshno kam qilsang,

Har kimki vafo qilsa, jafo kam qilsang.

***

Hargiz rost kelmas ishq donoligʻ bila.

 

SOJIDA toʻpladi.

 

qashqadaryogz.uz

https://saviya.uz/ijod/nazm/yaxshilik-chun-qilmading-bori-yomonlig-qilmagil/

0 0 голоса
Рейтинг статьи
Подписаться
Уведомить о
guest

0 комментариев
Межтекстовые Отзывы
Посмотреть все комментарии
0
Оставьте комментарий! Напишите, что думаете по поводу статьи.x