SABATYE

SABATYE Pol (1854.5.11, Karkasson — 1941.14.8) — fransuz kimyogari. Parij FA aʼzosi (1913-y. dan). Tuluzadagi Oliy pedagogika in-tini tugatgan (1877). Parijdagi de Frans kollejida assistent (1878—80), Bordo (1881), Tuluza (1882—90) un-tlari xodimi (1884-y. dan prof.). Asosiy ilmiy ishlari termokimyo va katalizga oid. Ilk bor organik birikmalar sintezida asl metallar oʻrniga katalizator sifatida nikel, mis, kobalt va temirdan foydalangan. Nobel mukofoti laureati (1912).