AYUPOV Abdulla Tolipovich

AYUPOV Abdulla Tolipovich (1923.10.1, Toshkent) — faylasuf olim. Oʻzbekistonda xizmat koʻrsatgan fan arbobi (1980), prof. (1983). 1941-45-y. lardagi urush qatnashchisi. Oʻrta Osiyo davlat un-ti tarix f-tini tugatgan (1949). Un-tda oʻqituvchi (1952 — 55), dotsent (1955-y. dan). ToshDU (hoz. OʻzMU) gumanitar f-tlar falsafa kafedrasining mudiri (1962—92), kafedra prof. (1992-y. dan). A. ToshDU falsafa boʻlimi, keyin f-tini tashkil etishda boshchilik qilgan. Ilmiy asarlari falsafa tarixi, barkamol insonni tarbiyalash, maʼnaviyatni shakllantirish masalalariga oid. Falsafa fani boʻyicha darslik, oʻquv qoʻllanma va dasturlari nashr etilgan.